Հայաստանի հետ պետական սահմանի ուղղությամբ ԵԱՀԿ դիտորդական առաքելության ժամանակ ադրբեջանական կողմից հնչեցված կրակոցներն ուղղված են Վիեննայի եւ Սանկտ Պետերբուրգի գագաթնաժողովներում ձեռք բերված պայմանավորվածությունների դեմ: Այս մասին Asekose.am-ի հետ զրույցում ասել է ՀՀ Ազգային ժողովի փոխխոսնակ Էդուարդ Շարմազանովը: «Դիտորդական պատվիրակության վրա ադրբեջանական կողմից կրակոցները լկտիություն են, անթույլատրելի լկտիություն: Ես այդ կրակոցները գնահատում եմ որպես կրակոցներ՝ ուղղված Վիեննայի եւ Սանկտ Պետերբուրգի գագաթնաժողովներում ձեռք բերված պայմանավորվածությունների դեմ»,- նշել է Շարմազանովը: