Վավերագրող լուսանկարիչ Գերման Ավագյանը ֆեյսբուքյան իր էջում լուսանկարներ է հրապարակել և գրել հետևյալը.
«Ապրիլի 4։ Հյուսիսային ուղղություն։ Ես կատարելապես անտեղյակ եմ եկեղեցական գործերին ու Աստվածաբանությանը։ Դաշնակցականների ջոկատի տղաները մնացել էին աչքաթող արված Եկեղեցում ու դրա պատճառով նեղսրտած էին։ Երկրորդ օրը եկավ Հայր Սուրբը եւ բացատրեց տղերքին, որ այդ եկեղեցին ընդամենը շինություն է... Սուրբ Հոգուն մարտիկները կրում են իրենց մեջ։ Եվ այդ Սուրբ Հոգին կյանք է տվել շինությանը՝ դարձնելով իսկական Աստծո Տուն։ Իմ ռուս բարեկամներ, պատերազմն այս հողատարածքի համար չէ։ Քաղաքակրթությունների պայքար է։ Դուք ու՞մ կողմից եք։ Բարբարոսների՞, որոնք կտրում են Քրիստոնյաների գլուխները, թե՞ նրանց, ովքեր կռիվ են գնում՝ սրտներում Աստված»։
