Հազարամյակների ընթացքում մարդիկ տարբեր միջոցներ էին փնտրում և գտնում` ժամանակը որոշելու համար: Ենթադրվում է, որ հնագույն ժամացույցները ստեղծել են շումերները: Այսպես կոչված «կրելի ժամացույցները» ստեղծվել են շատ ավելի ուշ` 16-րդ դարում:
Սկզբում կրելի ժամացույցները կամ ձեռքում էին պահվում, կամ պարանոցից կախվում: Գիտության զարգացման հետ զուգահեռ կրելի ժամացույցների ձևերը ևս կատարելագործվեցին, ստեղծվեց ձեռքի ժամացույցը: Այսօր ժամացույց կրելը խոսում է ոչ միայն ժամանակի զգացողության, այլև այն կրողի ունեցած հասարակական դիրքի, ճաշակի, նաև` գրպանի պարունակության մասին:
