Մալայզիայում ընթացող ծանրամարտի աշխարհի պատանեկան առաջնությունն այսօր ավարտվում է: Աղջիկների գերծանր քաշային կարգում այս տարիքային խմբի Եվրոպայի չեմպիոն Արփինե Դալալյանն իր մեդալների հավաքածուն համալրեց ևս մեկով` աշխարհի առաջնության բրոնզե մեդալով:
Պոկում վարժությունում Արփինեն 93 կգ-ով ցույց տվեց 7-րդ արդյունքը, հրումում երկրորդ մոտեցման ժամանակ բարձրացնելով 127 կգ՝ նա իր համար ապահովեց ոչ միայն այս վարժության, այլև երկամարտի (220 կգ) բրոնզե մեդալը: