Արդեն տեղեկացրել ենք, որ ուրբաթ, ժամը 13:00-ի սահմաններում, ՊԲ կենտրոնական ենթակայության զորամասերից մեկում, դեռևս չպարզված հանգամանքներում, մահացու հրազենային վիրավորում է ստացել 19-ամյա Նարեկ Փաթաթանյանը. դեպքի մանրամասները պարզելու համար կատարվում է քննություն:
yerkir.am-ը գրում է, որ Նարեկ Փաթաթանյանը Չարենցավանից էր, նրա 19-րդ տարեդարձը 2 օր առաջ էր: Նարեկը ԵՊՀ-ի ուսանող էր:
Կայքի հետ զրույցում Չարենցավանի քաղաքապետ Հակոբ Շահգալդյանը հայտնել է , որ Նարեկը 6 ամսվա ծառայող էր: «Շատ խելացի տղա էր: Մայրը մաթեմատիկայի ուսուցչուհի է, նա էլ բուհում էր սովորում»,- ասաց նա:
Նյութը՝ սկզբնաղբյուր կայքում
