Ֆոտապատմությունը՝ Անահիտ Հայրապետյանի

Ռիմա տատիկը ղարաբաղյան պատերազմի հերոս, հայտնի «Միայնակ Գայլի»՝ Արայիկ Խանդոյանի, Արարատ Խանդոյանի եւ պատերազմում զոհված Հունան Խանդոյանի հերոս մայրն է, ով մի ամբողջ դժվար կյանք է ապրել՝ մեկ մի որդուն, մեկ մյուսին ռազմաճակատից վիրավոր դիմավորելով եւ ճանապարհելով:

Որդիների մասին խոսելիս Ռիմա Խանդոյանը հուզվում է, հիշում նրանց մանկությունը, պատերազմի դժվար տարիները, Արայիկի հետ կապված ուշագրավ պատմությունները: Արայիկը ՊՊԾ գունդ գրավողներից մեկն էր։ Տիկին Ռիմայի մյուս որդին՝ Արարատը, կալանավորվել է օրեր առաջ՝ հանրահավաքներից մեկի ժամանակ։ Նրանից ընտանիքը լուր չունի:

Տիկին Ռիման երկրաշարժից հետո բնակվում է Ծաղկահովտի մի փոքրիկ տնակում։ Տնակը ունի երեք սենյակ, երկու փոքրի ննջասենյակ ու մեկ հյուրասենյակ։ Տնակի պատերը զարդարում են ընտանեկան լուսանկարները։  Տիկին Ռիման պատմում է Արայիկի ու Արարատի պատերազմական սխրանքների մասին, «նրանք խելացի չար են եղել», ասում է:

«Արայիկս կգար կգրկեր, կասեր՝ «մամ ջան, իմ միակ, դու իմ Աստվածն ես»...Արայիկ ջան, իմ հերոս»:

Նյութի աղբյուրը՝ MediaLab.am