«Ուժեղ Հայաստան» կուսակցության խորհրդի անդամ Նարեկ Կարապետյանը հանդիպել է կյանքը հայրենիքի պաշտպանությանը նվիրած կանանց հետ։ Հանդիպման մասնակից կանայք կարևորել են երկրի անվտանգության ու հզոր բանակի վերականգնման անհրաժեշտությունը։
Նարեկ Կարապետյանը ի պատասխան շեշտել է՝ անհաջողությունները հետևում կմնան, հաղթանակած զգացումները կվերադառնան, երբ կերտենք ուժեղ Հայաստան։
«Անհաջողությունները, որոնք մենք ունեցել ենք, ունեցել ենք ազգովի։ Եթե մենք կարողանանք կերտել ավելի ուժեղ պետություն, կարծում եմ՝ բաժին հասած այս տխրությունները կփոխարինվեն մեր հաղթանակած զգացումներով»,- ասել է Կարապետյանը։
