Լրագրող, բնապահպան ակտիվիստ Թեհմինե Ենոքյանը ֆեյսբուքյան էջում լուսանկարներ և տեսանյութեր է հրապարակել՝ կից գրելով․ «Յուրա Արսենյանից ահազանգ եմ ստացել, որ Ամուլսարում շինարարական աշխատանքի արդյունքում իրենց խմելու ջուրն այս տեսքն ունի:
Լրատվամիջոցներին խնդրում եմ բացահայտել՝ ի՞նչ է կատարվել տարածքում»։

Ջերմուկի բնակիչ, բնապահպան Շիրակ Բունիաթյանն էլ գրում է. «Դե ինչ, ցավոք, Ամուլսարի հանքարդյունաբերական աղետաբեր ծրագրի «բարիքները» հասան նաև Կեչուտի ֆերմերներին։
Դրանք հասնելու են նաև հյուրանոցներին, առողջարաններին և հանքային ջրերի գործարաններին։
Պարոն Նիկոլ Փաշինյան, ձեր «վերակենդանացրած» այս աղետաբեր ծրագիրը կոչնչացնի Ջերմուկի տնտեսական բոլոր ճյուղերը՝ անխտիր։
ԱՄՈՒԼՍԱՐԸ ՉԸՆԿԱՎ,
ԱՄՈՒԼՍԱՐԸ ՀԱՆՁՆԵՑԻՆՔ ԼՈՒՌ ԱՆՏԱՐԲԵՐՈՒԹՅԱՄԲ»։