Ադրբեջանում պատրաստում են Հայաստանի հանքավայրերի քարտեզը: АПА-ի փոխանցմամբ՝ այս մասին հայտարարել է Ադրբեջանի քարտեզագետների միավորման նախագահ Մուգաբիլ Բայրամովը: Նրա խոսքով՝ քարտեզը պատրաստ է 40%-ով: «Այս քարտեզների շնորհիվ հնարավոր կլինի իմանալ, թե Հայաստանում որտեղ կան օգտակար հանածոներ։ Քարտեզը կընդգրկի Հայաստանի ողջ տարածքը, այլ ոչ թե միայն Հայաստանի և Ադրբեջանի սահմանին գտնվող հանքարդյունաբերական ձեռնարկությունների տեղակայման վայրերը: Ընդ որում, քարտեզի վրա կտեղադրվի նաև բնապահպանական տեղեկատվություն, օրինակ, թե որ գետերն են աղտոտված, ինչ նյութերով են աղտոտված և որտեղ են թափվում այդ թափոնները: Քարտեզի շնորհանդեսը նախատեսված է չորս ամսից։ Քարտեզը լինելու է ադրբեջաներեն, անգլերեն և հայերեն և կազմվելու է ադրբեջանական տեղանուններով»,- ասել է նա: |
Ադրբեջանում պատրաստում են Հայաստանի հանքավայրերի քարտեզը
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Tweet