Արդեն տեղեկացրել ենք, որ Աբխազիայի  «Դինամո» մարզադաշտում, որտեղ տեղի էր ունենում չճանաչված պետությունների աշխարհի առաջնությունը (ConIFA. World Cup-2016) , Արևմտյան Հայաստանի հավաքականի և Փենջաբի հավաքականի հետ խաղի ժամանակ տեղի է ունեցել միջադեպ:

Տեղի ունեցածի մասին նոր մանրամասներ են ներկայացրել վրացական լրատվամիջոցները. ինչպես հաղորդում է lenta.ge-ն հնդիկ ֆոտբոլիստը հարվածել է Արևմտյան Հայաստանի հավաքականի ֆուտբոլիստ Րաֆֆի Կայային, որից հետո հավաքականի ֆուտբոլիստները անցել են ձեռնամարտի։

Դաշտ մտած ոստիկանները իրավիճակը կարգի հրավիրելու փոխարեն սկսել են մասնակցել կռվին՝ հարձակվելով հայ ֆուտբոլիստների վրա՝ հարվածելով  և ոլորել նրանց թևերը։

Լրատվամիջոցները այժմ տեղի ունեցածի համար մեղադրում են Աբխազիայի ոստիկանության տեղակալ գնդապետ Վյաչիսլավ Ջուգելիային, ով գտնվել է դեպքի վայրում, սակայն  ոչ միայն միջոցներ չի կիրառել կանխելու համար, այլ նաև ինքն է մասնակցել կռվին։

Աբխազական լրատվամիջոցները հուսով են, որ ղեկավարությունը արժանի գնահատական կտա տեղի ունեցածին և աշխատանքից կհեռացնեն փոխոստիկանապետին և վերջինս ներողություն կխնդրի ֆուտբոլիսներից և երկրպագուներից։