Business Insider-ը ներկայացրել է Ֆեյսբուքի հիմնադիր Մարկ Ցուկերբերգի առաջարկած 5 գրքերը՝ բիզնեսի և տնտեսագիտության վերաբերյալ։
«Համաշխարհային կարգ»
«World Order»
Հենրի Քիսինջերի «Համաշխարհային կարգ» գրքում ԱՄՆ ազգային անվտանգության խորհրդի նախկին քարտուղարը վերլուծում է ժամանակակից համաշխարհային քաղաքականության իրավիճակը և բացատրում, թե ինչպես են տարբեր երկրների կառավարությունները համագործակցում միմյանց հետ:
«Ինչու է պետությունը դիմանում անհաջողություններին»
«Why Nations Fall»
Դարոն Էյսմոգլի և Ջեյմս Ռոբինսոնի «Ինչու է պետությունը դիմանում անհաջողություններին» գիրքը առանձնացնելիս Ցուկերբերգն ասել է, որ այն իրեն օգնել է հասկանալ և վերլուծել համաշխարհային ճգնաժամի առաջացման խնդիրները։
«Ռացիոնալ լավատեսը»
«The Rational Optimist»
«Ռացիոնալ լավատեսը» գրքում լրագրող Մետ Ռիդլին գրում է, որ շուկայական տնտեսությունը մարդկության առաջընթացի աղբյուրն է և մարդկության զարգացումը արագանում է այն ժամանակ, երբ բիզնեսին ընդլայնվելու հնարավորություն են տալիս։
«Աղքատության պորտֆոլիո»
«Portfolios Of The Poor»
Դարել Քոլինզը, Ջոնաթան Մորդաչը, Ստյուարտ Ռեզենֆորդը և Օրլանդա Ռութվեյնը 10 տարի ուսումնասիրել են Բանգլադեշի, Հնդկաստանի և Հարավային Աֆրիկայի տնտեսության ստորին կարգերը և իրենց վերլուծությունները ներկայացրել «Աղքատության պորտֆոլիո» գրքում։
«Մուկադիմա»
«The Muqaddimah»
Պատմական «Մուկադիմա» գրքում գրված է, թե ինչպիսին պետք է լինեն պետության գործառույթները։ Որպես արդյունավետ գործառույթ ներկայացված է աշխատանքի բաժանումը, որը կարևոր նախապայման է տնտեսության ձևավորման գործում։
Աղբյուրը՝Books.am
