Այսօր Հայաստանում յուրաքանչյուր 7-րդ զույգ տառապում է անպտղությամբ:
«Արագիլ» բարեգործական հիմնադրամի օգնությամբ "Շենգավիթ» ԲԿ-ի "Մարդու վերարտադրողական առողջության" կենտրոնում 19 տարվա անպտղությունից հետո Լուսինեն մայրացավ:
38 ամյա երջանիկ մայրիկը, ով 19 տարի շարունակ չէր կարողանում մայրանալ, այսօր իրեն աշխարհի ամենաերջանիկն է համարում:
Նա դիմել է «Շենգավիթ» ԲԿ-ի «Մարդու վերարտադրողական առողջության կենտրոն», որտեղ գինեկոլոգ-ռեպրոդուկտոլոգ Մարգարիտա Գրիգորյանի ջանքերի շնորհիվ գրանցվել է երկար սպասված հղիությունը: Հղիության դժվար, բայց հաղթահարելի ամիսների ընթացքում Լուսինեն գտնվել է «Շենգավիթ» ԲԿ-ում, մանկաբարձ-գինեկոլոգ Շուշանիկ Բախշյանի անմիջական հղկողության տակ, ում շնորհիվ՝ կեսարյան հատման միջոցով /ըստ ցուցման/ լույս աշխարհ է եկել առողջ փոքրիկը:
Նշենք, որ Լուսինեին աջակցել է «Արագիլ» վերարտադրողական բժշկության աջակցության հիմնադրամը:
«Արագիլ» վերարտադրողական բժշկության աջակցության հիմնադրամը բարեգործական նպատակներով իր աջակցությունն է ցուցաբերում բոլոր այն զույգերին, ովքեր ունեն խնդիրներ անպտղության հետ կապված:
Հիմնադրամը գործում է ՀՀ առաջին տիկնոջ՝ Ռիտա Սարգսյանի բարձր հովանու ներքո:
«Մենք փորձում ենք օգնել այն մարդկանց, ում երեխա ունենալու ցանկությունն իրոք անսահման է, սակայն նրանք չեն կարող դիմել թանկարժեք բուժման», - այս առաքելությամբ է հանդես գալիս «ԱՐԱԳԻԼ»-ը:
Շնորհավորում ենք երջանիկ ընտանիքին և մաղթում, որ բոլոր ընտանիքներում արագիլը իր բարի լուրն ավետի:
Երջանիկ ընտանիքն իր խորին շնորհակալությունն է հայտնում «Արագիլ» բարեգործական հիմնադրամին, ՀՀ առաջին տիկին Ռիտա Սարգսյանին, «Շենգավիթ» ԲԿ-ի «Մարդու վերարտադրողական առողջության կենտրոն» -ի գինեկոլոգ-ռեպրոդուկտոլոգ Մարգարիտա Գրիգորյանին, մանկաբարձ-գինեկոլոգ Շուշանիկ Բախշյանին ընձեռնված հնարավորության համար:
Թող արագիլները ամեն օր բարի լուր ավետեն :
