«Ты супер! Суперсезон» շոուին մասնակցող11-ամյա Դանիիլ Խաչատուրովը ապրում է Սամարայում: Դանիիլը կույր է:
Ռուսաստանը ներկայացնող տղան ասել է, որ կցանկանար ներկայացնել Հայաստանը, քանի որ իրեն հայ է համարում և սիրում է պատմական հայրենիքը։ Հայաստանում ապրում են Դանիիլի տատիկը, մորաքույրն ու եղբայրները։
Դանիիլը կիսաեզրափակչում հանդես է եկել Եվգենի Մարտինովի «Կարապի հավատարմությունը» երգով։ Ժյուրիի անդամներն ու հանդիսատեսը հուզված էին Դանիիլի կատարումով և նրան ծափահարում էին հոտնկայս։
Նրան աջակցելու էր եկել հայտնի երգչուհի Դիանա Գուրցկայան։ Նա նշեց, որ Դանիիլը շատ լավ է զգում երաժշտությունը, և որ նա ուրախ է նրա հաջողությունների համար։ Դրանից հետո նրանք դուետով երգ են կատարել։
Դանիիլը անցել է եզրափակիչ փուլ: