Հանրապետական պատգամավոր, ՄԱՊ գործարանի սեփականատեր Ալիկ Պետրոսյանը վատ վիճակում է հայտնվել, ինչպես իր բիզնեսմեն կոլեգաներից շատերը։ Դոլարով վարկ է վերցրել, գյուղացիներին մթերումների գումարները վճարել եւ հիմա բարձր կուրսով է վճարելու վարկը։ «Վատ, շատ վատ ենք։ Եթե մենք ապրանքը վաճառում ենք դրամով, երբ դոլարով ենք վարկերը վերցրել, ո՞նց պիտի լինենք, վատ ենք։ Ես հույս ունեմ, որ էս քանի օրն է տեւում ու կարգավորվելու է, հիմա վաղ է ասել կանխատեսումների մասին, թե ինչ քանակի տույժեր կունենանք»: Ալիկ Պետրոսյանը հավաստիացնում է, թե իրենց արտադրանքը չեն թանկացրել, հակառակը՝ ավանդույթի համաձայն, դեկտեմբերին 15-20 տոկոս ցածր գնով են վաճառում։ Ստեղծված իրավիճակին անդրադառնալով՝ սրռնեղեց. «Շատ դժվար է ոչ թե իմ, ձեր ու բոլորի համար, երբ որ մի երկրում չորս տեսակ վալյուտա է գործում՝ դրամ, ռուբլի, դոլար, եվրո։ Այս սիտուացիաներում պետությունը դիմակայում է, երբ ուժեղ տնտեսություն ունի»:
Շարունակությունը և ուշագրավ այլ նյութեր
«Հրապարակ» թերթի այսօրվա համարում
