«Շուշի 92» ազատամարտիկների և վետերանների միության նախագահ Իշխան Սարգսյանը, խորհրդի անդամներ՝ Սարգիս Զաքարյանը և Հակոբ Հակոբյանը այսօր լրագրողների հետ հանդիպման ժամանակ խոսելով ազատամարտիկների մի շարք խնդիրների մասին՝ ասել են, որ մինչև այդ խնդիրները չլուծվեն, իրենց պայքարը չի մարի։
«Մեր փառքով պահված դրոշի տակ մենք այսօր անտեսված ենք։ Շատ ազատամարտիկներ կան, որ այսօր ի վիճակի չեն ոչ մի բանի, այն նույն ազատամարտիկները, ովքեր իրենց կյանքը չխնայեցին երկրի համար»,- ասել է Իշխան Սարգսյանը` ավելելով. «Երբ ամեն օջախում սեղան նստելիս իրենց կենացն էին խմում, այսօր այդ հարգանքը գնալով պակասում է, Էդ ծաղիկները, էդ կենացները մեզ պետք չեն, դրա փոխարեն թող այնպիսի օրենքներ ընդունեն, որ էս մարդիկ մարդավարի ապրեն։ Ադրբեջանն իր մարդասպանին փառքով, պաշտոնով, ամեն կերպ աջակցում է, իսկ մեր ազատամարտիկներն այսօր անտեսված են»:
