«ԲՀԿ նախագահ Գագիկ Ծառուկյանը չի մասնակցի եռյակի կողմից նախատեսված ու այսօր կայանալիք Մարդու իրավունքների օրվան նվիրված հանւրահավաք-երթին: Այս մասին մեզ հետ զրույցում տեղեկացրեց Ծառուկյանի խոսնակը՝ Իվետա Տոնոյանը: «Ո՛չ, Գագիկ Ծառուկյանը երթին չի մասնակցելու, բայց կուսակցությունը տարբեր մակարդակներով մասնակցություն ունենալու է: Ընդհանրապես, յուրաքանչյուր ոք ազատ է մասնակցության համար», - ասաց Տոնոյանը: Մեր հաջորդ հարցին, թե ինչո՞ւ Ծառուկյանը չի մասնակցելու միջոցառմանը, Տոնոյանը պատասխանեց. «Ես այդ մասին տեղեկություն չունեմ»: ՀԱԿ-ի խոսնակ Արման Մուսինյանից հետաքրքրվեցինք ՀԱԿ առաջնորդ Լեւոն Տեր-Պետրոյանը կմասնակցի՞ այսօրվա երթին, թե ոչ. «Այս պահին բան չեմ կարող ասել», - պատասխանեց Մուսինյանը: ՀԱԿ վարչության անդամ Ավետիս Ավագյանն էլ «Ազատություն» ռադիոկայանի հետ զրույցում հայտարարել էր, որ Տեր-Պետրոսյանը չի մասնակցելու: Եռյակի ուժերից «Ժառանգության» ղեկավար Րաֆֆի Հովհաննիսյանը, սակայն, անցյալ շաբաթ Երեւանում անցկացրած քաղաքացիական ժողովից հետո լրագրողների հետ զրույցում հայտարարել էր. «Ես ներկա կլինեմ դեկտեմբերի 10-ի միջոցառմանը, եթե կա Հայաստանի շահը, քաղաքացու խնդիրը՝ կլինի քաղբանտարկյալ, թե իրավազրկված քաղաքացի, ես ներկա կլինեմ ու առաջարկում եմ, որ բոլորը ներկա լինեն ամեն տեղ»»։
Շարունակությունը և ուշագրավ այլ նյութեր
«Հայկական ժամանակ» թերթի այսօրվա համարում
