«Հայկական ժամանակ» թերթը գրում է. «Նախօրեին ԱԱԾ ծառայության աշխատակիցների կողմից բերման ենթարկված Լոռու մարզի ընդհանուր իրավասության դատարանի դատավոր Խաչատուր Խաչադրյանը ձերբակալվել է։ Դատավորը կասկածվում է 20 հազար դոլար կաշառք ստանալու մեջ։ Այս մասին երեկ հաղորդագրություն տարածեց ՀՀ ազգային անվտանգության ծառայությունը՝ նշելով, որ Խաչատուր Խաչատրյանը ձերբակալվել է կաշառք ստանալու պահին: Վերջինիս շահերի պաշտպան Կարեն Թումանյանը երեկ մեր թղթակցի հետ զրույցում ասել է, որ փաստացի, դատավորը կաշառք չի ստացել եւ նշված հանգամանքը իրականությանը չի համապատասխանում: Խ. Խաչատրյանի մտերիմները մեր թղթակցի հետ մասնավոր զրույցում նշել են, որ դատավորը իր սեղանին դրված գումարին չի էլ դիպչել: Երեկվա դրությամբ դատավորի մասնակցությամբ դեռ որեւէ քննչական գործողություն չէր իրականացվել: Նա ցուցմունք չի տալիս»։

Ուշագրավ այլ նյութեր «Հայկական ժամանակ» թերթում