Սիրիայի մայրաքաղաք Դամասկոսի քրիստոենական թաղամասերում, մայիսի 26 -ի լույս 27-ի գիշերը, քիմիական զենք է կիրառվել: Կան հարյուրավոր տուժածներ:
Բարզե թաղամասից, որ ռազմական թեժ գոտի է համարվում, պայթուցիկներ են նետվել Կսսուր, Տիջարա, Բաբթումա, Կասսա քրիստոնեական թաղամասերի վրա: Դրանք օդում պայթել են:
Արտազատված ծուխն ու թունավոր գազերը լցվել են բազմաթիվ բնակարաններ: Պայթուցիկներից արտազատված ծուխ հիշեցնող գազերն ազդել են հատապես մարդկանց տեսողության վրա :
Կան մաշկի և աչքի այրվածներ ստացած մարդիկ: Ինչպես նաև գրանցվել են շնչարգելության, շնչահեղձության և մկանների, հոդերի պարալիզացման դեպքեր :
Նրանց բուժօգնություն է ցուցաբերվել:
Այս մասին Asekose.am -ի հետ զրույցում հայտնել է դեպքերին ականատես «Հայ – արաբական միջազգային իրավական խուրհրդ»-ի գլխավոր քարտուղար՝ Վահե Մահշիկյանը:
Նա նաև տեղեկացրել է, որ դեռ հայտնի չէ թե ինչ ուժեր են կիրառել զենքը՝ իշխանությունները թե ընդիմադիր ուժերը:
Վահե Մահշիկյանը կարծում է , որ դրանք հատուկ նետվել են քրիստոնեական թաղամասերի վրա , որպեսզի նրանց էլ հակամարտության մեջ ներքաշեն երկրում վիճակը կատարյալ քաոսի վերածելու համար:
