ՏԽՈՒՐ Է ՄԱՀԸ....ՏԽՈՒՐ է յատկապէս մահը անոր, որ համակ կեանք մը նուիրած է՝ գեղեցիկին, վսեմին, ազնիւին ճաշակը դրոշմելու հայ մատղաշ սերունդներու հոգիին մէջ....հայ երգն ու երաժշտութիւնը պանծացնելու աշխարհով մէկ....ՀԱՄԱԿ ԱՐՈՒԵՍՏ ԷՐ ԷՈՒԹԻՒՆԸ ՍԵՊՈՒՀ ԱԲԳԱՐԵԱՆԻ, ՀԱՄԱԿ ՄԵՂԵԴԻ...Ամբողջ կեանք մը նուիրաբերեց ան Մելգոնեան Կրթական Հաստատութեան մէջ հասակ առնող սերունդներու դաստիարակութեան սրբազան գործին, ապա՝ «ԳՈՀԱՐ» երգչախումբ-նուագախումբի կազմաւորման, անոր բարձրորակ կատարումներուն, որպէս անոր խմբավարն ու գեղարուեստական ղեկավարը՝ հայրենիքէն ներս, թէ սփիւռքի աշխարհացրիւ հայագաղութներուն մէջ, խանդավառելով իր բիւրաւոր ունկնդիրները, ամէնուր հայ երգի սէրն ու պաշտամունքը տարածելով, որպէս նաեւ ՀԱՅԱՊԱՀՊԱՆՄԱՆ եւ ՀԱՅԱԿԵՐՏՈՒՄԻ անփոխարինելի ազդակ....ԲԻՒՐ ՅԱՐԳԱՆՔ, ԽՈՆԱՐՀՈՒՄ, ԽՈՒՆԿ ՈՒ ԱՂՕԹՔ ԻՐ ՅԻՇԱՏԱԿԻՆ.....
