Shamshyan.com-ը գրում է. Այսօր՝ օգոստոսի 15-ին, խոշոր ավտովթար է տեղի ունեցել Երևանում: Ժամը 09:20-ի սահմաններում «Դալմա Գարդեն Մոլ»-ի դիմաց բախվել են 22-ամյա Տիգրան Ղազարյանի վարած Mercedes մակնիշի 01 ՏC 707 համարանիշի և 23-ամյա Պարույր Ապրեսյանի վարած BMW մակնիշի 34 FO 740 համարանիշի ավտոմեքենաները: Ինչպես վթարի վայրից հայտնում է ֆոտոլրագրող Գագիկ Շամշյանը, բախման հետևանքով BMW-ն դուրս է եկել ճանապարհի երթևեկելի գոտուց, հայտնվել դաշտամիջյան հատվածում և բախվել բետոնե քարին: Ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան: BMW-ի մեջ գտնվող ուղևորուհուն առաջինը օգնության են հասել քաղաքացիները, «Դալմա Գարդեն Մոլ»-ի անվտանգության աշխատակիցներն ու նույն ընկերության մաքրության մենեջեր Ռոման Հարությունյանը: Հավաքվածները ֆոտոլրագրողին ասում էին, որ մեղավորը Mercedes-ի վարորդն է եղել, ով չթույլատրելի հատվածով փորձել է շրջդարձ կատարել և ստեղծել է վթարային իրավիճակ, ինչի պատճառով էլ BMW-ն բախվել է Mercedes-ին. «Նկատեցինք, որ Mercedes-ը խախտում արեց ու բախվեց BMW-ին, BMW-ի վարորդն էլ մեքենայի կառավարումը կորցրեց ու հայտնվեց երթևեկելի գոտուց դուրս: Էդ ժամանակ Toyota Land Cruiser Prado-ի վարորդը, լավ էր, ճիշտ կողմնորոշվեց, մեքենան այնպիսի դիրքում կայանեց, որ նորից ավտովթար տեղի չունենա ու իջնելով մեքենայից՝ երիտասարդ վարորդը «Դալմա Գարդեն Մոլ»-ի աշխատողների հետ ավտոմեքենայից դուրս բերեցին BMW-ի վարորդին ու ուղևորուհուն ու սկսեցին օգնություն ցուցաբերել նրանց»: Ֆոտոլրագրողի տեղեկություններով՝ Toyota Prado-ի վարորդը քաղաքում հայտնի «Լույսերի Մուշեղ» մականվամբ Մուշեղ Վարդանյանն է:

Առավել մանրամասն` սկզբնաղբյուր կայքում