Իրավապաշտպան Վարդան Հարությունյանի ֆեյսբուքյան գրառումը. «Պաշտոնական Բաքուն բաց տեքստով հայտարարում է, որ իրենք բարձրացրել են Հայաստանի Սահմանադրությունը փոխելու հարցը։ Մեր այլ խորհրդանիշների մասին էլ, հավանաբար, կան թելադրանքներ։
Հայաստանի իշխանություններն էլ լծվել են գործին։
Նոր Սահմանադրությունը, փաստորեն, արտաքին թելադրանքով գրելու են երկրի անցյալից անտեղյակ, երկրի ապագայի նկատմամբ անտարբեր անպատասխանատուները։ Նրանք, որ իշխանության եկան նախկին իշխանությունների դեմ մարդկանց արդարացի բողոքը շահարկելով, նախկինների մերժման ալիքի վրա ու պատուհաս դարձան։ Նրանք, որ արտաքին ճնշումներին դիմակայել չեն կարողանում, որ անկարող են։ Երեք տարի է իրենց անկարողությունն են ցուցադրում։
Կգան, իհարկե, նոր ժամանակներ, ամեն ինչ կվերագնահատվի, շատ բան իր տեղը կընկնի, որոշ կորուստներ ու որոշ խեղումներ վերականգնել հնարավոր կլինի, բայց անցյալ ու ապագա չունեցող այս մանկուրտների մեղքով գրանցված կորուստներ կան, որ անվերադարձ են ու անվերականգնելի»:

Դիտեք նաև՝