ՀՀ ոստիկանությունը հայտնում է, որ հունիսի 21-ին ոստիկանները բերման են ենթարկել ազգությամբ հնդիկ 2 քաղաքացու, ովքեր Դավիթ Անհաղթի փողոցում իրենց ընկերոջ ծննդյան կապակցությամբ կատարել են գիշերային հրավառություն: Ոստիկանություն բերման ենթարկվելուց հետո օտարերկրացիները խոստովանել են, որ տեղյակ չեն եղել չթույլատրված ժամին հրավառություն անելու հարցի մասին:
Փաստի առիթով ներկայումս իրականացվում է վարչական վարույթ, կազմվել է համապատասխան արձանագրություն:
Հիշեցնենք, որ գիշերային հրավառության մասին ՀՀ ոստիկանապետ Վալերիյ Օսիպյանին խիստ հանձնարարական էր տվել վարչապետ Նիկոլ Փաշինյանը՝ կառավարության նիստի ժամանակ:
