Թարմացված․ Հակոբ Բերբերյանը ֆեյսբուքյան իր էջում գրել է․
Պարզաբանում. Սիրելի ընկերներ, սխալմունք է տեղի ունեցել, ես իրականում շարունակում եմ աշխատել Դառգետում: Շնորհակալություն այն մարդկանց ովքեր ինձ աջակցում են:
***
«Իրավունք»-ը գրում է, որ կայքի տեղեկություններով` Նիկոլ Փաշինյանը երեկ երեկոյան ընտանյոք հանդերձ Երեւանի կենտրոնում գտնվող «Դառգետ» ռեստորանում նշել է կնոջ` Աննա Հակոբյանի տարեդարձը:
Այս ամենն ուշագրավ է ոչ միայն ներիշխանական մերձակայում կոռուպցիոն ձերբակալությունների ֆոնին, այլ նաեւ երկրի սրընթաց գահավիժման համատեքստում: Սակայն տարեդարձի երեկոն անցնցում չի ավարտվել: Հարակից սեղաններից մեկում նստած է եղել քառօրյա եւ 44-օրյա պատերազմների մասնակից Հակոբ Բերբերյանը: Նա սկսել է բղավել. «Արցա՜խ, Արցա՜խ, Արցա՛խ…»: Ականատեսներն ասում են` Նիկոլ Փաշինյանի դեմքին գույն չէր մնացել, մինչդեռ Պերպէրեանի արարքը գոհունակությամբ է ընդունվել մյուս սեղանների մոտ նստածների կողմից:
Տեղի ունեցածից անմիջապես հետո` Փաշինյանները հապշտապ հեռացել են «Դառգետ»-ից: Իսկ Հ. Պերպէրեանին ազատել են աշխատանքից: Նա աշխատում էր նույն օբյեկտում:
