«Շիրակ կենտրոն» ՀԿ նախագահ Վահան Թումասյանը գրել է․ «Այս պահին՝ 09:09 րոպեին կրկին երկրաշարժ գրանցվեց, այնքան էլ թույլ չէր... տեսնես այսօր քանի անգամ է Շիրակի մարզը թափ տալու...»:

Նշենք, որ Շիրակի մարզպետ Նազելի Բաղդասարյանն էլ ֆեյսբուքյան իր էջում գրել է վաղ առավոտյան գրանցված ցնցման մասին․ «Առավոտյան ժամը 07:36-ին, Բավրա գյուղից 14 կմ արևելք գրանցվել է հերթական երկրաշարժը:
Էպիկենտրոնային գոտում ստորգետնյա ցնցման ուժգնությունը կազմել է 6 բալ, Շիրակի մարզի բնակավայրերում այն զգացվել է 5 բալ ուժգնությամբ։
ԱԻՆ Շիրակի մարզային փրկարարական վարչության պետ Ալեքսան Գյոզալյանի փոխանցմամբ` այս պահին փլուզման ահազանգեր չեն եղել։
Մարզպետարանի պատասխանատու ստորաբաժանումները տեղեկատվություն են հավաքագրում մարզի բոլոր համայնքներից՝ արձանագրված հնարավոր վնասները ճշտելու համար»: