Արցախի Հանրապետության նախագահ Բակո Սահակյանի հրամանագրով՝ Արցախի Պաշտպանության բանակի շտաբի պետ է նշանակվել Ջալալ Հարությունյանը:
Մինչ այս Ջալալ Հարությունյանը Արցախի հարավային ուղղությամբ տեղակայված զորամիավորման հրամանատարն էր։
Հիշեցնենք, որ Բակո Սահակյանի մեկ այլ հրամանագրով Արցախի Պաշտպանության բանակի հրամանատարի պաշտոնում Լևոն Մնացականյանին փոխարինել է Կարեն Աբրահամյանը։ Հենց նա էր մինչ այս զբաղեցնում ՊԲ շտաբի պետի պաշտոնը։
