Այսօր՝ մարտի 30-ին, ավտովթար է տեղի ունեցել Երևանում: Ժամը 21:00-ի սահմաններում Իսակովի պողոտայում՝ ոստիկանության ակադեմիայի հարևանությամբ, բախվել են Երևան քաղաքի բնակիչ, 40-ամյա Նորայր Գրիգորյանի վարած «Prado Land Cruiser» մակնիշի՝ 01 LՕ 003 համարանիշի և Երևան քաղաքի բնակիչ 44-ամյա Գառնիկ Անտոնյանի վարած «Prado Land Cruiser» մակնիշի՝ 19 LL 007 համարանիշի ավտոմեքենաները:

shamshyan.com-ն է գրում այս մասին. ինչպես վթարի վայրից հայտնում է ֆոտոլրագրող Գագիկ Շամշյանը, բարեբախտաբար զոհեր և վիրավորներ չկան: Դեպքի վայր են ժամանել Ճանապարհային ոստիկանության 1-ին սպայական գումարտակի աշխատակիցները, ինչպես նաև «Ինգո Արմենիա» ապահովագրական ընկերության արագ արձագանքման խմբի մասնագետը, քանի որ երկու ավտոմեքենաներն էլ ապահովագրված են նշված ընկերությունում: