ԱԺ Ելք խմբակցության պատգամավոր Արարատ Միրզոյանը ֆեյսբուքյանիր էջում լուսանկար է հրապարակել, որին կից գրել է.
«Արցախի նախագահի հրավերով ԱԺ գործընկերների հետ Ստեփանակերտում էինք։
Հանդիպեցինք և անկեղծ ու կարևոր քննարկում ունեցանք Արցախի Հանրապետության նախագահի, ԱԺ նախագահի, վարչապետի, ԱԽ քարտուղարի և այլ պաշտոնատար անձանց հետ։
Տեղեկացանք սահմանին տիրող օպերատիվ իրավիճակին։ Հավաստիացանք, որ Արցախի ՊԲ֊ը և ՀՀ Զինված ուժերը փայլուն կատարում են մեր սահմանների պաշտպանության իրենց առաքելությունը։
Քննարկման բոլոր մասնակիցները համաձայնություն հայտնեցին, որ պետք է միասնական ջանքերով լավագույն հնարավորը քաղել համաժողովրդական շարժման հաղթանակի ընձեռած նոր հնարավորությսւններից և զգոն լինել հնարավոր մարտահրավերների նկատմամբ»։
Կարդացեք նաև` Ֆռցնելու, խաբելու կարիք չունենք, ժողովուրդը երբ էլ կանգնի, իշխանափոխություն կլինի. Արարատ Միրզոյան
