Լրագրող Կարպիս Փաշոյանի ֆեյսբուքյան գրառումը. «ՔՊ-ական մատյան գունդը Պետրոս Ղազարյանի գլխավորությամբ և, ցավոք սրտի, մեր շատ ընկերներ Ռոբերտ Քոչարյանի նկատմամբ հաղթանակն են տոնում։ Ու այնպես են տոնում, որ կարծես թե Մեղրին Հայաստանի տարածքում չէ, Քոչարյանն արդեն տվել է։
Ինչ էլ կուլիսներում բանակցած լինեն, միևնուjն է, փաստը մնում է փաստ, որ Մեղրին չի փոխանակվել։ Այդ բանակցությունները պաշտոնական փաստաթղթի չեն փոխակերպվել։ Մեղրին ՀՀ տարածքում է։
Ֆիլմի առանցքային շեշտադրումը ոչ այնքան Քոչարյանն է, որքան՝ Թուրքիայի և ԱՄՆ-ի ներգրավվածությունը տարածաշրջանային հարցերին։ Հստակ տեսնում ենք ԱՄՆ-ի հետաքրքրվածությունը ՀՀ տարածքով Ադրբեջանի և Նախիջևանի միջև կապ ապահովելու գաղափարով։ Այդպիսի հետարքրքրվածություն կա նաև հիմա, որքան էլ բարձագոչ հայտարարություններ հնչեն ՀՀ տարածքային ամբողջականության մասին։ Հիմա խնդիրը շատ ավելի բարդ է։ Ի տարբերություն Քոչարյանի, Փաշինյանը թուղթ է ստորագրել ճանապարհի մասին, որը անընդհատ շահարկվում է Բաքվի և Անկարայի կողմից։ Կարելի է ենթադրել, որ Վաշինգտոնի միակ վերապահությունը վերաբերում է ճանապարհի ռուսական հսկողությանը։ Ընդամենը։
Զուգահեռ ակտիվացել են նաև թուրքական էմիսարները։ Մի կողմից ջախջախում են ցեղասպանության հարցը, մյուս կողմից Կարո Փայլանները թուրքական ցորեն ու ադրբեջանական գազ են խոստանում բազմաչարչար հայ ժողովրդին։ Միայն թե ռուսները վտարվեն։
Ինչպես կասեր Դանտոնը, քաղաքացիներ, հերիք է շամպայն խմեք, Հանրապետությունը վտանգված է»: