Ակտիվիստ Միքայել Մարգարյանը ֆեյսբուքյան իր էջում գրում է․
Լավ ընկերների, ինչպես նաև վատ կազմակերպիչների շնորհիվ հայտնվեցի 2000-ականների աստղ Քրեյգ Դեյվիդի համերգին: Իմ պես, համերգին հայտվել էին եթե ոչ բոլորը, ապա դահլիճի 90%-ը: Վստահ պնդում եմ, քանի որ տոմսերը մի քանի օր շարունակ բաժանվում էին բռերով, մի քանի ծանոթի փորձեցի հրավիրել, պարզվեց այլ աղբյուրներից արդեն ունեին տոմս: Դահլիճում շուրջներս բազում տարեց մարդիկ էին, որոնց մի մասն արդեն սկսեց դուրս գալ մինչ Քրեյգի բեմ բարձրանալը, երիտասարդ հայ արտիստների ժամից ավել ելույթների ժամանակ: Հանդիսատեսի մի մասը ամբողջ համերգը հեռախոսով խաղ էր խաղում կամ տիկ-տոկ թերթում: Եվ հետո... Աշխարհահռչակ աստղի Երևանյան համերգի գովազդն այնքան նվազ էր, որ հանրությունն իմացավ դրա մասին միայն անվճար տոմսերի տարածման շնորհիվ: Գովազդային արշավը, ըստ արտիստի և տոմս իրացնող կազմակերպության էջերի սկսվել է համերգից 20 օր առաջ, այն դեպքում, երբ Համալիր լցնելու նպատակով այլ կազմակերպիչներն անգամ 1 տարի են գովազդ կիրառում, այն էլ բոլոր հնարավոր հարթկներում (Քրեյգ Դեյվիդից շատ ավելի պոպուլյար Մելաձեի գովազդն անում են համերգից 6 ամիս առաջ): Մտահոգեց, թե ինչու է կազմակերպիչն այսքան անփույթ վերաբերվել գործին և, փորփրելով տեղեկությունները, բացահայտեցի, որ միջոցառման գլխավոր աջակիցն է ՀՀ Էկոնոմիկայի Նախարարության Տուրիզմի Զարգացման Կոմիտեն:
Ասյքանից հետո, կցանկանայի իմանալ, թե որքան ֆինանսական միջոց է տրամադրվել ՀՀ բյուջեից այս միջոցառմանը, ինչ հոնորար է ստացել Արտիստը, ինչ եկամուտ է ապահովվել տոմսերի վաճառքից և, ի վերջո, ինչ արդյունք է գրանցվել տուրիզմի զարգացման գծով:
Իմ համոզմամբ, հերթական մեծ փողն են լվացել, ինչպես 50 Cent, Սնուփ Դոգ և բազում անտեղի փառատոններ և պետական տոների համերգներ ուռճացրած գումարներով անցկացնելու դեպքերում:
