7-րդ գումարման Միլլի մեջլիսի առաջին նիստում ելույթի ժամանակ Իլհամ Ալիևն ասել է, որ Ադրբեջանը զգալի մեծացրել է ռազմական հզորությունը։ «Հայաստանը և նրա թիկունքում գտնվող ցանկացած երկիր պետք է իմանա, որ մեզ հետ հնարավոր չի լինի խոսել շանտաժի և վերջնագրի լեզվով։ Մենք պատրաստ ենք, ի վիճակի՝ ցանկացած պատասխան տալու և միշտ պետք է պատրաստ լինենք դրան»,- ասել է Ալիևը։

***

«Ադրբեջանի թիվ 1 առաջնահերթությունը ռազմակшն հզորության ավելացումն է»,-հայտարարել է նախագահ Իլհամ Ալիևը Միլի մեջլիսում իր ելույթում:

«Աշխարհում տեղի ունեցող գործընթացները, նոր կոնֆլիկտային օջախների ի հայտ գալը, պատերազմներն ու մեր շուրջ լարվածության աճը, Հայաստանում «ռևանշիստական» (չակերտները՝ խմբ.) միտումները մեզ ստիպում են անընդհատ ուշադրություն դարձնել ռազմական հզորության հարցին», - ասել է Ալիևը՝ հավելելով՝ «եթե Բաքուն քիչ ուշադրություն դարձնի ռազմական ոլորտին և չապահովի դրան հատկացվող միջոցների պատշաճ մակարդակը, ապագայում կարող են խնդիրներ առաջանալ»։