Ամերիկյան «Univision» ընկերությունն աշխատանքից ազատել է հայտնի հաղորդավար Ռոդներ Ֆիգերոային այն բանից հետո, երբ նա ԱՄՆ առաջին տիկնոջը՝ Միշել Օբամային, համեմատել է «Կապիկների մոլորակը» ֆիլմի «հերոսներից» մեկի հետ:
Հաղորդավարը եթերում անհաջող կատակել է, երբ իր հյուրերի հետ միասին քննարկել մի տեսանյութ, որում մի դիմահարդար հատուկ նյութերի օգնությամբ կապիկներին նմանեցրել է հայտնի մարդկանց, այդ թվում՝ Միշել Օբամային:
«Ահա նայեք: Ձեզ հայտնի է, որ Միշել Օբաման նման է «Կապիկների մոլորակը» ֆիլմի «հերոսուհուն»: Չէ որ սա իրականություն է»:
Այս հայտարարությունից անմիջապես հետո հաղորդավարին սկսել են մեղադրել ռասիզմի մեջ: «Univision» ընկերությունն էլ իր հերթին հրապարակել է հայտարարություն, որում ասվում է, որ քննադատում է Ռոդների այդ մեկնաբանությունը: Ինչպես հաղորդել է ընկերության ներկայացուցիչներից մեկը, հաղորդավարի նման տեսակետը բոլորովին չի համընկնում իրենց հայացքներին, և որ Ռոդներն ազատվել է աշխատանքից եթերից անմիջապես հետո:
Նշենք, որ անձամբ Ռոդներ Ֆիգերոան որոշ ժամանակ հետո նամակ է ուղարկել Միշել Օբամային, որում նշված է եղել, որ ինքն ամենևին էլ միտում չի ունեցել վիրավորելու նրան և որ իր կարծիքը վերաբերել է միայն դիմահարդարի աշխատանքին:
Տեղեկացնենք, որ հաղորդավար Ռոդներ Ֆիգերոան տվյալ ընկերությունում աշխատել է ավելի քան 17 տարի և արժանացել Emmy մրցանակի: