Լրագրող Նաիրի Հոխիկյանի թելեգրամյան գրառումը․ «Ուղիղ 25 տարի է անցել 1999-ի հոկտեմբերի 27-ից, երբ Հայաստանի ԱԺ-ում Նաիրի Հունանյանը մի քանի այլ սրիկաների հետ սպանեցին Վազգեն Սարգսյանին, Կարեն Դեմիրճյանին, պատգամավորների և պաշտոնյաների։
25 տարին բավարար չէ՞ արդյոք, որ բացվեն այդ ահաբեկչության քրեական գործի նյութերը։
Ինչո՞ւ չեն բացվում նյութերը, որ մարդիկ իմանան բոլոր մանրամասները։
Թող բացվեն բոլոր թղթերը, և մարդկանց տանջող հարցերի պատասխանները տրվեն։ Այսքան տարի ժողովրդի մեջ տարածում են խոսակցություններ, թե Ռոբերտ Քոչարյանը կամ Ռուսաստանն է կանգնած այդ ամենի հետևում։ Եթե Նիկոլը բացի բոլոր փաստաթղթերը, պարզ կդառնա, թե իրականում ով է կազմակերպել հոկտեմբերի 27-ը։
Գուցե հենց Նիկոլի՞ն պետք չէ, որ բացվեն։
Թե՞ վախենում են պարզ դառնա` ինչպես էր Նաիրի Հունանյանը 1999-ին մեկնել Թուրքիա և հանդիպել թշնամի երկրի նախագահի, հատուկ ծառայությունների ղեկավարների հետ։
Ժամանակն է պահանջել իշխանություններից, որ բացեն հոկտեմբերի 27-ի քրեական գործը»։

Դիտեք նաև՝