Օտարությունն ու պանդխտությունն, ասես, մեր ազգային բախտի անբաժանելի մասն են դարձել, եւ այս պատճառով մենք վաղուց ցրված ենք աշխարհի բազոմ երկրներում: Դեռ վաղ ժամանակներից հիշատակություններ կան, որ հայերը բնակություն են հաստատել երկրագնդի տաբեր հատվածներում: Սակայն 1915 թվականի ողբերգական դեպքերից հետո, ցավոք, գաղթի աշխարհագրությունն ավելի ընդլանվեց. օրինակ Ֆրանսիայում այս ժամանակաշրջանում ամապնդվում է ավանդական հայկական համայնքը՝ Լիոն, Փարիզ, Վալանս եւ Մարսել քաղաքներում: Գաղթականության նոր սերունդը,ավելի շատ հայտնի որպես երիտասարդ սփյուռք, վերջին 10-15 տարիներին հաստավեցին երկի այնպիսի քաղաքներում, որտեղ ավանդական հայ համայնք երբեք գոյություն չի ունեցել: Այդպիսի քաղաքնեից է Ֆրանսիայի հյուսիս-արեւելքում գտնվող Նանսին: Նանսիում հայ կազմակերպված համայնք ձեւավորվեց 2011 թվականին՝ Արթուր Ավետյանի ջանքերով: Չնայած, այն հանգամանքին, որ Նանսիում չկա Հայ Առաքելական եկեղեցու շենք, համայնքում կազմակերպվում են պատարագ եւ անց են կացվում եկեղեցական այլ ծեսեր՝ տեղի Կաթոլիկ եկեղեցու շենքի տարածքում: Ա. Ավետյանի ջանքերով համայնքի հիմնադրման տարվանից, կազմակերպվեց ու մինչ օրս էլ գործում է Մշակույթի տունը, որը զբաղվում է համայնքի կրթական ու մշակութային կյանքի կազակերպչական հարցերով: Կենտրոնի կիրակնօրյա հայկական դպրոցն ունի 60 սան: Հարկ է հիշատակել նաեւ այն մանկավարժների անուններն, ովքեր մեծ ներդրում ունեն այս գործում. վաստակավոր ուսուցիչներ Ռուզաննա Ադամյանը, Շուշանիկ Գեւորգյանը, Անժելա Մերոյանը եւ Թերեզա Գեւորգյանը: 2012 թվականին Ա. Ավետյանի ջանքերով հիմնվեց նաեւ Համազգային վարչությունը, ի ուրախություն Նանսիի հայությանը, վարչությունն ունեցավ իր կրթօջախը, որը ֆրանսիական սփյուռքում թվով չորրորդն է՝ Մարսելից, Փարիզից, Լիոնից ու վերջապես Վալանսից հետո: 2013-ից համայնքի ձայնը, բառի բուն իմաստով, ավելի լսելի է դառնում, քանի որ համայնքի ղեկավարը հիմնում է ռադիոհաղորդում՝ Նանսիի ռադիկայաններից մեկում՝ ռադիո Ֆաժեթ-ում: «Հայասա.ֆմ» կիրակնօրյա երկլեզու (հայերեն եւ ֆրանսերեն) ծրագիրը, պատրաստում եւ վարում են Մերինե Թադեւոսյանն ու Լուսինե Տերտերյանը: Ցեղասպանության 100-րդ տարելիցին համայնքը Էջմիածին եւ Նանսի քաղաքների հետ համատեղ Collin de Sion սրբավայրում ապրիլի 24-ին կտեղադրեն «Եղիցի լույս» խաչքար հուշակոթողը՝ ի հիշատակ Ցեղասպանության անմեղ զոհերի: Այն կվերածվի տարածաշրջանի հայերի սրբատեղի:

Հեղինակ՝ Լուսինե Տերտերյան

Նանսի, Ֆրանսիա