Web3-ով առաջնորդվող Fastex էկոհամակարգը Եվրատեսիլ 2023 ամենամյա մրցույթի հայաստանյան հեռարձակման գլխավոր հովանավորն է: Մայիսի 9-13-ը Լիվերպուլում կայանալիք մրցույթը երաժշտական ամենամասշաբային իրադարձությունն է, որն ամեն տարի իր շուրջն է հավաքում միլիոնավոր մարդկանց:
Մրցույթի կիսաեզրափակիչ և եզրափակիչ փուլերի հեռարձակումը Հայաստանում կիրականացվի Fastex-ի աջակցությամբ: Այս համագործակցությունը հիանալի հնարավորություն է՝ ներկայացնելու Հայաստանը տարբեր մեդիա հարթակներում:
Եվրատեսիլի պատմությունը սկիզբ է առել 1956 թ-ին և մինչև օրս մեկ հարկի տակ է համախմբում արտիստների՝ աշխարհի տարբեր անկյուններից: Ընկերական և ջերմ միջավայրում անցկացվող մրցույթում ամեն տարի որոշվում է տարվա լավագույն երգը:
Fastex-ը, ստանձնելով Եվրատեսիլ 2023-ի հայաստանյան ցուցադրության գլխավոր հովանավորի դերը, հերթական անգամ փաստում է, որ մշտապես կանգնած է այն նախաձեռնությունների կողքին, որոնք նպաստում են ստեղծարարությանը և նոր տաղանդների բացահայտմանը:
