Հայաստանի ԱԻՆ-ում, այսօր՝ սեպտեմբերի 1-ին, ժամը 01:02-ին ահազանգ է ստացվել, որ Երեւան-Սեւան ավտոճանապարհին տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Երեւան-Սեւան ավտոճանապարհի 33-րդ կմ-ին «ՎԱԶ 2107» մակնիշի ВВ 87 0Р 34 (30-ամյա Պ. Պ.) պետհամարանիշով ավտոմեքենան դուրս է եկել ճանապարհի երթեւեկելի հատվածից (մոտ 7մ) եւ հարվածել ծառերին:
Փրկարարները հոսանքազրկել են ավտոմեքենան, իսկ ժամը 02:30-ին՝ մեքենան դուրս են բերել ճանապարհի երթեւեկելի հատված եւ մոտեցրել ավտոքարշակին:
Մինչ փրկարարների կանչի վայր հասնելը վարորդը եւ ուղեւոր՝ 27-ամյա Ա. Մ.-ն հոսպիտալացվել են «Սուրբ Գրիգոր Լուսավորիչ» ԲԿ, որտեղ բժիշկները տուժածների առողջական վիճակը գնահատել են բավարար:
