Մոսկվայի դատարանը հեռակա կալանավորել է հայկական ծագումով ուկրաինացի երգչուհի Ջամալային (Սուսանա Ջամալադինովա)՝ Ռուսաստանի զինված ուժերի դեմ կեղծ լուրերի գործով։ Այս մասին հայտնում է Մոսկվայի դատախազության Telegram–յան ալիքը։
Գերատեսչության տվյալներով՝ 2022 թվականի ապրիլի 4-ին Ջամալան, գտնվելով Ռուսաստանի սահմաններից դուրս, սոցիալական ցանցի իր էջում հրապարակել է մի գրառում՝ հատուկ ռազմական գործողության ընթացքում Ռուսաստանի Դաշնության Զինված ուժերի գործողությունների մասին դիտավորյալ կեղծ տեղեկություններ պարունակող:
Մինչ այս ՌԴ ՆԳՆ-ն երգչուհի Ջամալայի նկատմամբ միջազգային հետախուզում էր հայտարարել։ Ինքը՝ երգչուհին, երբեք չի թաքցրել իր բացասական վերաբերմունքը ՌԴ–ի վարած քաղաքականության նկատմամբ։ Նա ակտիվորեն աջակցում է Ուկրաինայի կառավարությանը։
Հիշեցնենք, որ Ջամալան արմատներով Արցախից է: Հարցազրույցներից մեկի ժամանակ երգչուհի նշել է. «Մորս նախնիները Լեռնային Ղարաբաղից են, որտեղից պապիկիս ծնողները ստիպված են եղել հեռանալ Միջին Ասիա:
Պապիկս այդ ժամանակ 5 տարեկան էր, նրա ընտանիքին կուլակաթափ են արել: Ղրղըզստանում նա զբաղվել է շերամապահությամբ»:
