Armlur.am-ը գրում է, որ այսօր քաղաքապետարանում` ավագանու հերթական նիստի ժամանակ փորձեց ԲՀԿ խմբակցությունից դուրս եկած ավագանու անդամ Արմեն Սահակյանին մի քանի հարց ուղղել իր քաղաքական որոշումների և ինչու չէ նաև քրեական աշխարհում իր գործողությունների ու շփումների հետ կապված:
Նշենք, որ նա ԲՀԿ նախկին առաջնորդ Գագիկ Ծառուկյանի մտերիմներց է և ԱՄՆ-ում բնակվող «օրենքով գող» Արմեն Ղազարյանի` Պզոյի մտերիմ ընկերն է: Վերջինս հրաժարվում էր որևէ մեկնաբանություն տալ, այնուամենայնիվ, մի քանի հարցի պատասխաններ տվեց:
-Պարոն Սահակյան, վերջիվերջո, ինչու՞ որոշեցիք դուրս գալ ավագանու ԲՀԿ խմբակցությունից:
–Ես ԲՀԿ-ի այսօրվա որդեգրած քաղաքականության հետ այնքան էլ համամիտ չեմ: Կարծում եմ` որպես անկախ ավագանի էլ կարող եմ ծառայել ժողովրդին:
-Ավագանու ղեկավար Թամար Պողոսյանի Ձեր հետ հարաբերությունները սրվել են, քանի որ նա հայտարարում էր, թե որևէ դիմում Ձեզանից չի ստացել, Դուք էլ ճիշտ հակառակն էիք պնդում:
-Տիկին Պողոսյանի հետ մեր ջերմ, գործնական հարաբերությունները շարունակվում են: Ոչ մի լարվածություն չկա:
-Իսկ կուսակցությունից պատրաստվու՞մ եք դուրս գալ:
-Այո, կուսակցությունից դուրս գալու դիմում արդեն ներկայացրել եմ:
-Պատճառը Գագիկ Ծառուկյանի հրաժարակա՞նն էր:
–Իհարկե, Գագիկ Ծառուկյանի` կուսակցությունից հեռանալն էլ իր դերն ուներ իմ որոշման մեջ: Վերջիվերջո, ես նրա հետ 9 տարի աշխատել եմ:
-Պարո´ն Սահակյան, Դուք բավական մտերիմ հարաբերությունների մեջ եք ԱՄՆ-ում բնակվող «օրենքով գող» Արմեն Ղազարյանի` Պզոյի հետ:
-Արմեննն իմ լավ ընկերն է, երբեք էլ չեմ հերքել դա:
-Քրեական հեղինակություն Երրոդմասցի Լյովիկի և նրա ընկերների սպանության ժամանակ հենց Արմեն Ղազարյանի հարազատ եղբայրը ևս այնտեղ էր և, ըստ հրապարակումների, հրաշքով է փրկվել: Ձեզ ինչ-որ բան հայտնի՞ է այդ օրվա մասին:
-Ես այնտեղ չեմ եղել, չեմ կարող ասել, մանրամասներ չեմ կարող ասել, քանի որ տեղյակ չեմ: Պետք է սպասել ԱԱԾ-ի գործողություններին, կարծում եմ երկար սպասեցնել չեն տա:
