Բլոգեր Արամ Գևորգյանի ֆեյսբուքյան գրառումը․ «2018-ից էս կողմ երբեք չեմ հիացել սրանց կազմակերպած տարատեսակ ու հատկապես ամանորյա շոուներով, ոչ էլ առավել ևս մասնակից եմ եղել դրանց։ Հա, էրեխեքին էլ չեմ տարել, որ հետո արդարանայի, ասեի՝ դե էրեխա են, տոն ա։
Պատերազմից հետո առավել ևս. ես ամեն տարի Ամանորի գիշերը Եռաբլուրում եմ լինում ու սրանց կազմակերպած ամեն սենց տոնական, տաշի-տուշի վիճակի մեջ ակամայից դավադրություն եմ տեսնում. ամեն բան մոռացության մատնելու ու ուրանալու դավադրություն։
Որովհետև մարդկային ու բարոյական ոչ մի կոդեքսի մեջ չի տեղավորվում էսքան արհավիրքի ֆոնին սենց տժժոցները, սենց ապատիան։ Էլի տոնեն, բայց սե՞նց ցոփ ու շվայտ։ Մենակ քաղաքապետարանը 550 միլիոն դրամ (1,4 միլիոն դոլար) է հատկացրել Հանրապետության հրապարակի, դրան հարակից փողոցների ամանորյա ձևավորման և լուսավորության համար... Ում ու ինչի համար ա սա արվում։ Կարծում եք ձեր էրեխեքի տոնական տրամադրության մասի՞ն են մտածում։ Չէ։ Սրանք մոռացման ու կայֆավատի ծախսեր են։ Սրանց ամեն արածում դավադրություն կա. տարվա մեջ 1000 փառատոն կազմակերպելու մեջ դավադրություն կա, շռնդալից սալյուտով ամեն տարի Նոր տարին նշելու մեջ դավադրություն կա։ Իրանք, որ դեռ իշխանության են ու սենց մսխում են Հայոց պետականությունը, դա ինքնին դավադրություն է»։