«Իշխանությունները 2018թ․ սկզբներից սկսած արդեն 8 տարի շարունակաբար փորձել են այս կամ այն ճանապարհով հալածանքի ենթարկել Վեհափառ հայրապետին, հայ եկեղեցին։ Հիմա եկել են հանգել եկեղեցու բարենորոգման կետին՝ մոռանալով իրենք իրենց բարենորոգելու մասին, որի ճանապարհը էլ չունեն»,- ասուլիսի ժամանակ անդրադառնալով Կառավարության 2026-2031թթ․ ծրագրում եկեղեցու բարենորոգմանն հետ կապված դրույթին՝ ասաց Բագրատ Սրբազանը։ «Իսկ եկեղեցին իր բնական ընթացքով շարունակելու է կյանքը՝ լինելով այն վերջին խրամատը մեր այս փլված կյանքի մեջ, որը նաև պատճառ է լինելու մեր վերհառնման... Եվ սա շատ հակասահմանադրական է․ այ սա է ահաբեկչությունը։ Եվ ես ասել եմ դատարանում, որ մենք ոչ թե ահաբեկիչներ ենք, այլ հակաահաբեկիչներ, մենք դուրս ենք եկել ահաբեկություն իրականացնողների դեմ, իրենք են ահաբեկիչները, որոնք ահաբեկել են ամբողջական իմաստով մեր ազգը, մեր երկիրը, մեր սուրբ եկեղեցին, բոլորին, պարզ քաղաքացիներին են ահաբեկում»,- շարունակեց Սրբազանը։

Դիտեք նաև՝

«Տիրադավ անունը ստացած ճամբարի անդամներից կան մարդիկ, ովքեր ժամանակին ձեզ հետ լավ հարաբերություններ են ունեցել․ փորձե՞լ են ձեզ հետ կապ հաստատել, իրենք ներում ունե՞ն»,- ասուլիսի ժամանակ լրագրողը հարց ուղղեց Բագրատ Սրբազանին։

«Մեր գոյությունը, իմ գոյությունն իրենց ինքնության ինքնասպանությունն է»,- ի պատասխան ասաց Սրբազանը և շարունակեց․ «Այդ անվանումը ստացած մարդիկ, հոգևորականները, որոնց հետ միասին ճանապարհ ենք անցել, աղ ու հաց ենք բաժանել, սուրբ խորանի առաջ ենք կանգնել, հաղորդություն ենք ստացել, թաքնվել են, երբեք չեն խոսել, որ իրենց հայրենիքը հանձնված է, որ Գանձասար, Ամարաս, Դադիվանք այլևս իրենք չեն կարող գնալ...»։ Նրա խոսքով՝ ներողն Աստվածն է՝ իր ողորմությամբ. «Ինձ համար իրենք գոյություն չունեն ուղղակի։ Ամենայն հայոց հայրապետը շատ լայնախոհ է, Աստված էլ շատ ողորմած է»,- հավելեց Սրբազանը։