Armlur.am-ը գրում է. Երեկ Արմավիրի մարզի Մերձավան գյուղում տղամարդու դի է հայտնաբերվել: Ինչպես հայտնի դարձավ, գյուղի կիսակառույց-բնակելի շենքերից մեկի մոտ ընկած է եղել առանց ձախ ձեռքի տղամարդու դիակ: Պարզվել է, որ այն պատկանում է Ջերմուկ քաղաքի բնակիչ 54-ամյա Կամո Երանոսյանին: Մեր տեղեկություններով, տղամարդը տարբեր հիվանդություններով էր տառապում, իսկ հիմնական բնակությունը հաստատել էր Երևանի Մալաթիա-Սեբաստիա վարչական շրջանում: Հենց այստեղ էլ՝ գործարաններից մեկում, նա աշխատում էր: Իսկ Մերձավան գյուղում տղամարդը երկար ժամանակ վարձով բնակարան է փնտրել, սակայն չի կարողացել գտնել: Այդուհանդերձ, նա բավականին հաճախ էր այցելում Մերձավան: Նրան տեղի երիտասարդները ժամանակ առ ժամանակ օգնում էին, անհրաժեշտ դեղորայքն էին գնում, ջուր էին տալիս: Եվ երեկ բնակիչներից մեկը հայտնաբերել է նրա դին՝ կիսահոշոտված վիճակում՝ գյուղի բնակելի շենքերից մեկի մոտ ընկած:
Նյութը՝ սկզբնաղբյուր կայքում
