Արգելվել է Վեհափառ Հայրապետի ելքը Հայաստանից․ սա պատմական ամոթալի գործողություն է
ՀՀ դատախազությունը քրեական հետապնդում է հարուցել Ամենայն Հայոց Կաթողիկոսի նկատմամբ՝ Արման Սարոյանի հետ կապված դատական ակտի կատարմանը խոչընդոտելու մեղադրանքով:
Արգելվել է Վեհափառ Հայրապետի ելքը Հայաստանից, ինչով փորձ է արվում ձախողել Ավստրիայում կայանալիք եպիսկոպոսաց ժողովը:
Սա պատմական ամոթալի գործողություն է իշխանության կողմից:
Փաստաբան Արա Զոհրաբյան
***
|
Փաստաբան Ռուբեն Մելիքյանի ֆեյսբուքյան գրառումը․ «Տեղի ունեցավ այն, ինչի մասին խոսում էինք շուրջ երկու շաբաթ։ *** |
|
ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Ամեն անգամ, երբ օրվա պատուհասները հերթական ազգային ամոթի քայլն են իրականացնում, մտածում եմ, թե հաջորդ խայտառակությունն ինչի մասին է լինելու: *** |
|
Սուրբ Էջմիածնի Թանգարանների և արխիվի տնօրեն Հայր Ասողիկ Կարապետյանի ֆեյսբուքյան գրառումը «Համաշխարհային կարգի խայտառակություն և համազգային ողբերգություն և խարան բոլորի ճակատին և հոգուն։ *** Երգչուհի Լիլիթ Բլեյանի ֆեյսբուքյան գրառումը․ «Եկեղեցու դեմ արշավը մտավ ամենախայտառակ փուլ։ *** |
|
Քաղաքագետ Արա Պողոսյանի ֆեյսբուքյան գրառումը. «Արդեն նույնիսկ ֆորմալ առումով քննիչները, դատախազությունը, դատարանները չեն թաքցնում, որ կատարում են քաղաքական իշխանության պատվերը։ *** |
|
Փաստաբան Արամ Վարդևանյանի ֆեյսբուքյան գրառումը․ «Իրավական և արժեքների ժխտողականության հերթական փաստն է, նույնիսկ հավատալու չէ, որ Հայոց Հոր դեմ հնարավոր է «քրեական հետապնդում» մեր Հայաստանում: Խայտառակություն է, որ մենք, որ մեր սերունդը տեսնում է այս ամենը: *** |
|
Փաստաբան Սերգեյ Հարությունյանի ֆեյսբուքյան գրառումը․ «Քիչ առաջ դուր եկա ԱԱԾ վիրապից, ուր այցելել էի Բագրատ և Արշակ սրբազաններին: Մի շարք հարցերից զատ` քննարկում էինք, որ վարչախումբն ամեն հնարավոր քայլի կգնա եպիսկոպոսաց ժողովի կայացմանը խանգարելու համար, ընդհուպ մինչև Վեհափառ Հայրապետի նկատմամբ քրեական շինծու հետապնդում հարուցելն ու ըստ այդմ` խափանման միջոց ընտրելը: Դուրս գալով տեղեկացա, որ ամոթալի արարն արդեն իսկ տեղի է ունեցել: Ինչ արած, սա էլ կանցնի և ինչպես Բագրատ Սրբազանն է ասում` Հոգևոր Հայաստանը հաղթելու է «թազա» Հայաստանին»։ *** |
|
«Փաստինֆո»-ն գրում է․ «Բացառված չէ, որ Մայր Աթոռ Սուրբ Էջմիածինը նախանշված Եպիսկոպոսաց ժողովը կազմակերպի հեռավար, որի հավանականության մասին գրել էինք ավելի վաղ, երբ մեկ օրում Փաշինյանի իշխանությունը մի քանի եպիսկոպոսի մեղադրանք ներկայացրեց։ Հիմա արդեն անհեթեթ գործով մեղադրանք է ներկայացվել Վեհափառին։ Փաշինյանը նախօրեին հստակ հայտարարեց, որ թույլ չի տա արտերկրում եպիսկոպոսաց ժողովի անցկացումը՝ սպառնալով կոշտ միջոցներ կիրառել։ Փաշինյանի իրավապահները շտապեցին ենթարկվել ու կատարել հերթական հանցագործությունը։ Նման պայմաններում եպիսկոպոսաց ժողովը անցկացնելու տարբերակներից մեկը հեռավարն է, որն արգելվաղ չէ, եթե, իհարկե, հիմա էլ ինտերնետը չարգելափակվի»։ *** Իրավապաշտպան Ժաննա Ալեքսանյանը ֆեյսբուքյան էջում գրել է․ «Դեպի ապօրինություն, անբարոյականություն, անամոթություն նետվելու ինչպիսի պատրաստակամություն։ Ամենայն Հայոց Կաթողիկոսի դեմ հարուցված քրեական գործը գլխավոր դատախազության գլուխգործոցն է։ Հուսանք այս քրեական գործը կամրացնի գլխավոր դատախազուհու «վաժնի» կեցվածքը»։ |
