Մեծի Տանն Կիլիկիո կաթողիկոս Արամ Առաջինն այսօր Անթիլիասի մայրավանքում ընդնունել է մի շարք հյուրերի եւ ընդունելության ժամանակ անդրադարձ կատարել Հայաստանում ծավալվող ներքաղաքական գործընթացներին:
«Ողջունում եմ սահմանադրական գործընթացներով եւ համախոհական ոգով Հայաստանը ներկա քաղաքական ճգնաժամից դուրս բերելու ձգտող բոլոր կողմերի իմաստությունը եւ հանձնառությունը», - այս մասին տեղեկանում ենք Մեծի Տանն Կիլիկիո կաթողիկոսության պաշտոնական կայքից:
Նորին Սրբությունն ընդգծել է նաեւ, որ հենց այդ ճանապարհով կարելի է հասնել Հայաստանի հզորացմանը եւ առաջնորդել Հայաստանն ու սփյուռքը միասնականության ուղով:
