Առանց սեքսի, հումորի ու պոլիտկոռեկտության գովազդը նույնն է, ինչ օծանելիքն առանց բուրմունքի։ Ձեզ ենք ներկայացնում գովազդներ, որոնցում առկա են այս երեք բաղադրիչները, որոնք, սակայն, մեծ սկանդալ են բարձրացրել մասնավորապես այն պատճառով, որ վիրավորական են թվացել կանանց ու մարմնավորում են տղամարդկային շովինիզմը։
1․ Փոխանակման կետ
«Pepsi» ընկերությունն աշխարհին ձոնեց երեք լուսանկար, որոնք պատմում էին այն մասին, թե ինչպես կարելի է փոխանակել ըմպելիքի մեկ բանկան։ Նկարներից մեկում կապիկն այն փոխանակում էր բանանով բեռնված բեռնատարի հետ, մյուսում դեռահասը փոխանակում էր այն տիեզերագնացի սկաֆանդրի հետ, իսկ երրորդում մեկ այլ դեռահաս տալիս է Պեպսին փրկարարին, որպեսզի վերջինս թույլ տա իրեն արհեստական շնչառություն անել մեծ կրծքերով ու սեքսուալ ուշագնաց մի կնոջ։
2․ Շան ուղեղ
«Ավելի լավ է կերակրել Ձեր շանը»,-սպառնում են շների տերերին «Purina» ընկերության գովազդը պատրաստողները, ովքեր այս կերպ փորձում էին գովազդել «Puppy Chow» բրենդը։ Գովազդում աղջիկն արհամարհում է շան կերը, ինչի արդյունքում հատուցում է ստանում՝ անակնկալ մերկանալով հանրության առջև։
3․ Նա կուլ է տալիս
Ամեն աղջիկ չէ, որ կխոստովանի, որ նրա նուրբ մաշկի գաղտնիքը կայանում է նրանում, որ նա կուլ է տալիս մանդրագորայի մանրացրած արմատ։ Առավել ևս՝ առաջին ժամադրության ժամանակ։ Իսկ այ սինգապուրյան դերասանուհի ու մոդել Զոի Թեին խոստովանեց։ Ճիշտ է, ավելի մոտիկից ուսումնասիրելով՝ պարզվում էր, որ նա կուլ է տալիս «Imedeen» բրենդի ծերացման դեմ հաբերը, բայց դե ինչ արած...
4․ Մտերմության գաղտնիքը
«Natan Jewelry» զարդերի ընկերությունն իղձեր չի կառուցում այն հարցի շուրջ, թե ինչի համար է պետք իր պրոդուկցիան։ Մի քանի տարի առաջ բրենդը մի քանի լուսանկարներ հրապարակեց, որոնցում տղամարդիկ, ովքեր ադամանդներ էին նվիրում, կտրուկ կերպով ավելի բարեկազմ էին դառնում, իսկ կանայք, ովքեր ստանում են այդ զարդերը, բացում են իրենց ոտքերը...
5․ Ողջ մնացած գարեջուրը
«Մի՛ անհանգստացիր սիրելիս, չէ՞ որ դու գարեջուրը չես վառել»,— ասվում է «Schlitz» գարեջրի՝ 1952 թվականի գովազդում։ Ու եթե ժամանակակից սպառողի համար այս գովազդն ավելի շուտ տաղտկալի կթվա, քան պրովոկացիոն, ապա 50-ականներին, երբ պատրաստել չկարողացող կինն իր օգտակարությամբ հավասարեցվում էր զուգարանակոնքին, այն ցնցում էր սպառողների երևակայությունը սեքսիզմի կոնցենտրացիայով։
6․ Երազանքներ
«Ché» կոչվող բելգիական ամսագիրը, որը նախատեսված է տղամարդկանց համար, չի դադարում երազել ավելի լավ աշխարհի մասին։ Այդ աշխարհում ննջարանի զգեստապահարանում թաքնված է ոչ թե կնոջ սիրեկանն, այլ իսկական սիրուհի։ Գովազդում ակնհայտ էր եռակողմ հարաբերությունների պարզորոշ ակնարկ։
7․ Ֆոկուս-պոկուս
Ըստ էության, «Canon»-ի սուրբ պատերազմն ընդդեմ «Nikon»-ի պետք է ավարտվեր «Nikon Coolpix S60»-ի այս փայլուն գովազդով, բայց արդյունքում այն հարուցեց ֆեմինիստների բուռն ցասումն ու կանանց տարակուսանքը։
8․ Դիմավորում են հագուկապով
«Riccardo Cartillone» կոշիկների բրենդն ընտրեց շատ բարդ եղանակ իր մասին հայտարարելու համար։ Այն գործարկեց www.areyoubadenough.com կայքը, որը պատմում էր զգացմունքներից իսպառ զուրկ մարդու մասին։ Նա ծխախոտի ծուխ է փչում նորածնի դեմքին, զենք է պահում կատվիկի վրա, մատները մտցնում է իր հարսնացուի քրոջ բերանն ու իհարկե այդ ողջ ընթացքում կրում է «Riccardo Cartillone» ֆիրմայի կոշիկներ։
9․ Անծայրածիր հորիզոններ
Առաջին հայացքից կարող է թվալ, որ լուսանկարիչը գերադասում է կրքոտ աղջիկների փոխարեն նայել վեհաշուք ալիքներին։ Սակայն ո՛չ, պարզապես Omax լայնանկյուն օբյեկտիվը թույլ է տալիս դրա սեփականատիրոջը նկարել անծանոթ աղջիկներին ու չվախենալ բռնվելուց ու վուայերիզմի մեջ մեղադրվելուց։
10․ Կուրծք vs կոտլետներ
Ինչպես արդեն նշել ենք, 1952 թվականին ուտելիք պատրաստել չիմացող կանանց տալիս էին սոցիալական անաֆեմայի։ Իսկ այ 1990-ականներին թույլ սեռի մոտ հայտնվեց բավականին ազդեցիկ պատճառ՝ ոչինչ չանելու, ու այդ պատճառը «Wonderbra» կրծկալն էր, որը բարձրացնում էր կուրծքը։ «Ես պատրաստել չգիտեմ, բայց ո՞ւմ է դա հուզում»,— հռետորական հարց է բարձրացնում սլովակ սուպերմոդել Ադրիանա Սկլերնիկովան հսկայական գովազդային վահանակներից։
11․ Թեթև ուտելու ցանկություն
Իսրայելական «Goldstar» գարեջուրը դու խմել պարտավոր չես, բայց իմանալ դրա գովազդի մասին պետք է։ Քոփիրայթերները փորձել էին ցույց տալ տղամարդկանց ու կանանց աշխարհընկալման տարբերությունները։ Առաջինը հիանալի է իր լակոնիկությամբ, իսկ կանանց պարագայում, Աստված գիտի, թե ինչ է կատարվում։ Այս սխեման ուշադիր զննելուց հետո միայն մի բան է մտքիդ գալիս. «Փառք Աստծո, որ տղամարդ եմ»։
12․ Խոնավեցրու ու տիրիր
Իմացած եղեք, որ պահպանակների «Durex» ֆիրման լավագույն գովազդների մշտական աղբյուրներից է։ Օրինակ՝ այս մեկում պատմվում է մի կնոջ մասին, ով օգտվել է ընկերության քսուքից ու մեծատառով հեշտանք է ունեցել՝ ձեռքի հետ փչացնելով կողապահարանը։
13․ Ճակատին է գրված
Post-it ինքնասոսնձվող թղթերը ստեղծվել են նրա համար, որպեսզի դրանց վրա գրես տարբեր մանրուքներ, որոնք մշտապես մոռանում ես, օրինակ՝ այն ծտի անունը, ում կպցրել ես նախորդ երեկո ու արթնացել ես հետն առավոտյան։
