Ֆուտբոլի Հայաստանի չեմպիոն «Արարատ-Արմենիան» նոր համալրում ունի: Ինչպես տեղեկացնում է ակումբի ֆեյսբուքյան էջը, այսօր թիմին է միացել ֆրանսիացի կիսապաշտպան Յոան Գուֆրանը: 
33-ամյա ֆուտբոլիստը նախկինում հանդես է եկել ֆրանսիական «Կան», «Բորդո», անգլիական «Նյուքասլ» ակումբներում: Նրա վերջին ակումբը եղել է թուրքական «Գյոզտեպեն»:
Յոան Գուֆրանն իր կարիերայում ընդհանուր առմամբ անցկացրել է 487 հանդիպում, խփել 95 գոլ: Նա «Բորդոյի» կազմում դարձել է Ֆրանսիայի չեմպիոն, գավաթակիր և կրկնակի սուպերգավաթակիր:
