ԱԺ «Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը․ «Իշխանությունը մեր հասարակությանը բարոյալքման այնպիսի աստիճանի է հասցրել, որ դրա թիվ մեկ մեղավորը հայտարարում է, որ պարտությունների միջոցով առավել անկախ ու ինքնիշխան ենք դառնում, իսկ ներսում հանրային ընդվզումը նվազագույնի վրա է:
4-5 տարի է` իշխանությանը ներարկում է այն մոտեցումը, որ մենք` հայերս, հաղթելու, պայքարելու հնարավորություն չունենք և ճիշտը հանձնվելն ու թշնամիների գթասրտությունն ակնկալելն է:
Ներկայիս փուլը քննաշրջան է քաղաքացու համար, որովհետև եթե իշխանությունը ֆիքսեց, որ պլանն աշխատել է, իսկ մարդիկ հարմարվողի և ընկածի կարգավիճակում են, ապա նոր պարտությունները երաշխավորված են»:

***

ԼՀԿ նախկին անդամ Անի Սամսոնյանի ֆեյսբուքյան գրառումը. «ՀՀ վարչապետը ԱՄՆ-ում հայտարարել է, որ Հայաստանը և Թուրքիան երբեք այսքան ակտիվ երկխոսություն չեն ունեցել:
Եթե երկխոսություն ասվածը այն է, ինչ մենք հրապարակային տեսնում ենք, ապա պետք է ասեմ, որ 2008-2011 թթ. ֆուտբոլային երկխոսությունը ավելի ակտիվ էր, նախագահների մակարդակով էր և նույնիսկ թուղթ ստորագրվեց, թեկուզ և կյանքի չկոչվեց:
Փաշինյանի իշխանության երկխոսությունը բանագնացների մակարդակով է, որոնք չենք էլ մտաբերում, թե վերջին անգամ երբ են հանդիպել: Բայց խոստացել էին, որ հայ-թուրքական սահմանը պետք է բացվի գոնե օտարերկրացիների համար, որը տեղի չունեցավ:
Այսպիսով` հրապարակային կարգավիճակով որևէ ակտիվություն չկա:
Բայց, դատելով վերջին իրադարձություններից առ այն, որ ՀՀ իշխանությունները ընդունում են Թուրքիայի նախապայմանները` մասնավորապես անարգում Հայոց ցեղասպանության զոհերի հիշատակը, ենթադրում եմ, որ իշխանությունները ակտիվ երկխոսության մեջ են Թուրքիայի հետ, բայց հայ ժողովրդից գաղտնի և փակ եկխոսության մեջ»:

Դիտեք նաև՝

***