«Սփյուռքի առաջ» հաղորդաշարի եթերում անդրադառնալով հարցին՝ ինչո՞վ եք համոզված, որ ՀՀ-ում իշխանություն եք վերցնելու, ԴՕԿ կուսակցության հիմնադիր Վարդան Ղուկասյանն ասել է. «Հաշվի առնելով սոցհարցումները, ժողովրդի տրամադրվածությունը, այն, որ այս պահին արդեն ունենք ավելի քան 4000 վստահված անձ, ովքեր ասում են՝ կլինենք ընտրատեղամասերում, տեր կկանգնենք յուրաքանչյուր քվեին, ապա համոզված եմ, որ մենք իշխանություն վերցնելու ենք: Վատագույն դեպքում՝ եթե միանձնյա չվերցնենք, կվերցնենք դաշինքային սկզբունքով՝ պառլամենտական շեմը հաղթահարած ընդդիմադիր որևէ ուժի հետ: Համոզված եմ նաև, որ ՔՊ-ն չի կարող 12 տոկոսից ավելի ձայն ունենալ: Դուրս եկեք փողոց, հարց տվեք քաղաքացիներին, տեսեք»: