Հայաստանի ֆուտբոլի ֆեդերացիայի նախագահ Արմեն Մելիքբեկյանը չորս տարի ժամկետով ընտրվել է Եվրոպական ֆուտբոլային ասոցիացիաների միության (ՈւԵՖԱ) գործկոմի անդամ: Այս մասին հայտնում է Հայաստանի ֆուտբոլի ֆեդերացիայի մամուլի ծառայությունը:

ՈւԵՖԱ-ի գործկոմի ընտրությունները կայացել են այսօր Բելգրադում ՝ ՈւԵՖԱ-ի 49-րդ կոնգրեսի շրջանակներում: Կազմակերպության գործկոմի անդամի աշխատավարձը կազմում է 197 հազար եվրո:

Նշենք, որ մարտի 26-ին «Առաջին հայկական ճակատ» (FAF) ֆան-շարժման ղեկավար Սերգեյ Ջանջոյանը սոցցանցում գրառում էր կատարել, որում նշել էր, որ մտադիր է ամեն կերպ խանգարել Մելիքբեկյանի ՝ ՈւԵՖԱ-ի գործկոմի կազմում ընտրվելուն: Ջանջոյանի խոսքով՝ շարժումը Մելիքբեկյանի առաջադրմանը կարող է աջակցել միայն մեկ դեպքում ՝ եթե նա թողնի ՀՖՖ նախագահի պաշտոնը: Ի պատասխան Արմեն Մելիքբեկյանը հայտարարեց, որ հայ երկրպագուների գործողությունները կրում են «հակահայկական բնույթ»:

2024 թվականի հոկտեմբերի 13-ին Հայաստանի հավաքականը իր հարկի տակ 0:2 հաշվով պարտվեց Հյուսիսային Մակեդոնիային ՝ գործնականում զրկվելով C լիգայի չորրորդ խմբում առաջին տեղ գրավելու հնարավորությունից: Խաղից անմիջապես հետո հայտնի դարձավ գլխավոր մարզիչ Ալեքսանդր Պետրակովի հրաժարականի մասին: Խաղիցհետո ՖԱՖ-ի (First Armenian Front) ներկայացուցիչները հավաքվել են Հայաստանի ֆուտբոլի ֆեդերացիայի շենքի մոտ՝ պահանջելով հանդիպում ՀՖՖ-ի ղեկավարի հետ: Վերջինս դուրս չի եկել հանդիպման։

Այդ օրվանից Մելիքբեկյանի հրաժարականի պահանջով բազմաթիվ ակցիաներ են իրականացվել, այդ պահանջին աջակցել են նաև Հայաստանի Պրեմիեր լիգայի մի շարք ակումբներ։

Հայ ֆուտբոլասերները փետրվարի 28-ից վերսկսել են ՀՖՖ նախագահ Արմեն Մելիքբեկյանի հրաժարականի պահանջով ակցիաները. նրանք խաղերի ժամանակ վազում են խաղադաշտ, վառում գունավոր ճայթրուկներ և վանկարկում «Հեռացիր»:

Աղբյուրը՝ Սպուտնիկ Արմենիա

Դիտեք նաև՝

***