Արդեն տեղեկացրել ենք, որ երեկ՝ հունիսի 18-ին, Երևանում վթարի է ենթարկվել դերասանուհի Լուիզա Ղամբարյանը: Վերջինս իր Kia Sportage մակնիշի մեքենայով բախվել էր որպես տաքսի շահագործվող Opel Astra մակնիշի մեքենայի հետ: Asekose.am-ի թղթակիցը կապ հաստատեց դերասանու հետ` վթարից հետո վերջինիս որպիսությունը պարզելու նպատակով:
«Ես ինձ լավ եմ զգում: Երեկ էլ ոչ մի ֆիզիկական անհանգստություն չեմ ունեցել, ինչը չի ունեցել նաև վթարի ենթարկված մյուս մեքենայի վարորդը: Փառք Աստծո, մարմնական վնասվածքներ չենք ստացել. ինչպես ասում են` պատահար էր` տեղի ունեցավ»,-Asekose.am-ին ասաց Լուիզա Ղամբարյանը:
Վերջինս սակայն չցանկացավ խոսել վթարի պատճառների մասին.
«Դժվարանում եմ այդ մասին խոսել, ես միայն կարող եմ որոշակի ենթադրություններ անել, բայց չեմ ուզում շտապել, որովհետև գոյություն ունի մասնագիտական խումբ, ով զբաղվում է հետաքննությամբ: Պրոֆեսիոլանալների դիտարկումներից հետո որոշ ժամանակ անց կկարողանամ խոսել վթարի պատճառների մասին, իսկ այս պահին ոչինչ չեմ ցանկանում ասել: Միայն կնշեմ, որ, Փառք Աստծո, ոչ մի վատ բան չի եղել, իսկ թե մեղավորն ո՞վ է` ժամանակը ցույց կտա»:
Մեր այն դիտարկմանը, որ ըստ տեղեկությունների` տաքսու` 9-րդ դասարանցի ուղևորը տեղափոխվել է հիվանդանոց, Լուիզա Ղամբարյանն ասաց.
«Տաքսու ուղևորը երեխա էր, ով ունեցել է վնասվածք: Դեպքից հետո ամուսնուս հետ այցելել եմ երեխային. նրա մոտ ամեն ինչ նորմալ է»:
Անդրադառնալով վթարի հետևանքով առաջացած հնարավոր վախերին` դերասանուհին խոստովանեց, որ այդ զգացողությունն այդքան էլ մեծ չի եղել.
«Բոլորովին չեմ վախեցել, որովհետև բոլորս Աստծո պահպանության ներքո ենք: Բախումը վախենալու չէր, որովհետև այդքան մեծ և լուրջ չէր, միակ խնդիրը երեխայի լիարժեք ինքնազգացողության հետ էր կապված, ինչն ինձ որաշկիորեն վախեցրել և շոկի էր ենթարկել»:
Զրույցի վերջում` Լուիզա Ղամբարյանը հավելեց, որ սա արդեն իր երրորդ վթարն է, որը նախորդների պես տաքսու հետ է կապված:
Լուսանկարը` Shamshyan.com-ի
Հեղինակ` Լիլիթ Հակոբյան
Կարդացեք նաև` Այո, մեր ընտանիքում համալրում է սպասվում. Լուիզա Ղամբարյան