Դիտեք նաև՝
Asekose.am-ի թղթակցի աչքից չվրիպեց երգչուհի Ջուսի նոր ֆեյսբուքյան անունը` «Juice Eurovision»: Այս կերպ երգչուհին կարծես իր թեկնածություննն է առաջադրում «Եվրատեսիլ 2016»-ի միջազգային մրցույթում: Այս առիթով մեր թղթակիցը կապ հաստատեց վերջինիս հետ, ով հերքեց` ասելով, որ վերոհիշյալ էջն իր պաշտոնական էջը չէ. դա իր երկրպագուներինն է:
Ջուսը չհերքեց նաև, որ ինքը ևս ունի ցանկություն մասնակցելու միջազգային երգի այս մրցույթին.
«Դա իմ էջը չէ, իմ երկրպագուների մեծ ցանկության արդյունքն է, որ նման էջ են բացել: Նրանք շատ անգամ են ինձ ասել, որ ես ամբողջովին համապատասխանում եմ այդ մրցույթին: Ես ունեմ շատ լավ ձայն,բացի այդ կարող եմ ապահովել բարձ որակի շոու, ինչն էլ ամենակարևորն է տվյալ դեպքում»:
Այն հարցին` արդյո՞ք իր մասնակցության դեպքում Հայաստանը կարող է հաղթանակած վերադառնալ, երգչուհին պատասխանեց.
«Քանի որ մրցույթը քաղաքական է, վստահ ոչինչ ասել չեմ կարող, բայց համենայն դեպս մի բանում վստահ եմ` իմ մասնակցության դեպքում Հայաստանը կստանա բարձր միավորներ և ինչու չէ նաև, իմ շնորհիվ Հայաստանը կունենա հաղթանակ»,- Asekose.am-ի թղթակցի հետ զրույցում նշեց երգչուհին:
Հեղինակ` Անի Հարությունյան
