Budox Europa ակումբի կազմակերպած Եվրոպայի առաջնությունում մեր հայազգի 27-ամյա բռնցքամարտիկ Տիգրան Բարեղամյանը փայլուն հաղթանակ է գրանցել`տոնելով Գերմանիայում իր արդեն 6-րդ հաղթանակը:
Օրերս Գերմանիայի Nienburg քաղաքում կայացել է Budox Europa ակումբի կազմակերպած պրոֆեսիոնալ բռնցքամարտի մենամարտը, որում մեր հայրենակից, գերմանաբնակ Տիգրան Բարեղամյանը (61կգ) տեխնիկական նոկաուտով հաղթանակ է տարել հակառակորդ` ուկրաինացի Վալիդ Բրոքսի (65կգ քաշ) նկատմամբ և արժանացել 1-ին տեղին:
Չեմպիոն դարձած բռնցքամարտիկն այս սպորտաձևով զբաղվում է ավելի քան 18 տարի. 2015-ից` Գերմանիայում արդեն իսկ պրոֆեսիոնալ:
Սեպտեմբերի 6-ին Տիգրանը մասնակցելու է Գերմանիայի պրոֆեսիոնալ բռնցքամարտի առաջնությանը:
Բռնցքամարտիկն իր այս հաղթանակը նվիրել է հոր հիշատակին:
